Spassige Samichlausversli

Samichlaus du guete Maa
Samichlaus du guete Maa
endlich bisch du wieder da.
Chunsch cho luege, was ich mache
wie ich spiele, singe und lache.
Tuesch mich lehre, s’ Härz zverschänke
und e chli a anderi dänke.
Nur so bin ich sälber froh
unds Christchind cha zumer cho.

Samichlaus du bisch en Guete
Samichlaus du bisch en Guete,
gäll ich bruche gwüss kei Ruete.
Läär lieber hüt i eusem Huus
de allergröschti Chlaussack uus.

Samichlaus, wo chunsch Du her?
Samichlaus wo chunsch Du her?
Siebehundert Stund wyt her.
Samichlaus, isch dis Säckli schwer?
Siebehundert Pfund isch s schwer.
Samichlaus machs ganz schnäll leer,
dänn isch dis Säckli nüme schwer.

Schmutzli – das gaht nöd!
Schmutzli, - lueg dich im Spiegel a!
So chasch doch nöd zu de Chinde gah!
Dis Gsicht isch rabeschwarz wie Aesche...
wotsch dich nöd zerscht emal go wäsche?
Au din Bart würd`s guet verträge,
wenn ihn besser würdisch pflege!
Wotsch bi eus nöd e Duschi neh?
Denn wirsch nachher sicher besser usgseh!

Da kann der Samichlaus kommen.